إلهام شاهين تكشف سر عدم حضورها حفل عيد ميلاد الزعيم عادل إمام الليلة.. خاص

كشفت الفنانة إلهام شاهين، إذا كانت ستحضر حفل عيد ميلاد الزعيم عادل إمام الـ84 الليلة، والذي من المفترض أن يكون في منزله. 

وقالت إلهام شاهين، لـ "مصر الآن"، : مبعرفش أقحم نفسي، هو مع أحفاده وأولاده مستمتع معاهم، وبعدين مش أنا بس اللي بحب عادل إمام دا الملايين بيحبوه ولو قولت هروح علشان بحبه يبقى الملايين كلها هتروحله تحتفل معاه، ولكن إحنا كلنا بنحتفل بالزعيم ومش مصر بس لا دا الوطن العربي كله لأن عادل إمام اسعد الجميع على مدى 60 عام.

أما عن اعتزاله الفن: هو فنان زكي بيعرف امتى ياخد القرار، وفنانين كتير كبار زيه قرروا يعملوا زيه لما بيحسوا أنهم مش هيقدروا أكتر من النجاح اللي عملوه، والزعيم وصل لسقف سقف النجاح فهيعمل إيه أكتر من اللي قدمه، وقدم كل نوعيات الأدوار مسرح وسينما وتلفزيون وتعب كتير ومن حقه يرتاح وينبسط بحياته الخاصة. 

ومن المقرر أن يجتمع اليوم الجمعة عائلة الزعيم عادل إمام وأحبابه وأصدقائه سواء داخل الوسط الفني أو خارجه للاحتفال في منزله بعيد ميلاده 84، وذلك لأنها أصبحت عادة سنوية يفعلها في عيد ميلاد بمنزله.